WFU
Admin Offline
 2016 DSE cut-off     5** 操 Past Paper 正確方法    大學面試秘訣   5**讀書態度及技巧分享    放榜啟示:DSE 35分想對你說的事
線上:

2016年3月23日

我考DSE的日子

(以下內容純屬個人意見)

(以下內容純屬個人意見)
第八篇考試要向前看

DSE已經開考啦,你地一定好緊張,考完之後,好多人忍唔住透過唔同既方式對答案,同同學仔傾返岩岩條試題、上FB睇下名師既答案……不過聽我講,過左去就算啦,唔好理佢,岩又點錯又點,有得返轉頭嗎?有得返去問考官揾返份卷改嗎?知道自己做錯左,只會打擊你既士氣。係到苦心婆心甘說一句,考完試就努力迎接下一科,唔好望返轉頭






第七篇讀書的動力

温書温耐左,不禁思索下點考要甘温得甘辛苦,因為要考DSE? 甘點解要考好DSE ? 因為為左實現自己既理想? 我既理想係成為一名醫生,因為覺得醫生好型,好叻。成為一名醫生係唔少理科生既理想,但無奈醫學院收生好高,所以呢…….不過個陣我會睇On Call 36小時黎激勵自己,每睇完一集,成個人就會充滿使命感去温書(當然唔好睇睇下變左追劇)。我個陣都會睇上youtube search下夢想大學既短片,見到個到甘靚,成個人會突然好有精神。呢D都係推動我讀書既動力。人始終係人,温得耐心會攰。每當攰個陣,有D咩可以支撐住你呢?
 





第六篇—MC

MC 時,好多人會完成整份卷再核對一次,當然如果時間許可既話。不過有D問題你知一定岩,甘個D可以留到最後先Check。大家不妨系唔sure對錯既題目,係張mc紙題號到做個好小好細微既標記(記得擦返佢,不過唔擦都無事),到check MC時先check有標既題目,甘樣可以節省時間。如果你唔識做,撞左先,填左個答案佢,再做標記,到最後再諗返點做。因為好多人可能諗住空住先,但到最後交卷時空左個答案,甘就白白浪費左一個機會。



第五篇D 

個年晚夜,透過窗外望向對面房,好多都已經關燈,再望下時鐘,指向2 am。眼皮已經支撐不住,但望住眼前一堆Past Paper,又點會訓得着。為左考好個DSE,訓少陣有咩所謂。不過DSE係一場長久戰,可以訓少一晚、訓少兩晚,但成個DSE加埋Study Break橫跨兩三個月。以前班主任講過:「唔好谷盡自己,因為唔會挨得住,好快失去鬥志。」休息其實好重要,唔止為左身體健康,更為左Keep住鬥心,如果谷得太盡,好快會失去鬥志,所以大家適時休息吧!(D)







第四篇中途休息
Study leave唔洗返學,成日流流長,點分配時間好呢?我考個年,係甘過的(理想mode

8 am     起身,食個早餐,hea
9 am     開始温書。一起身最好温下數學,理科,計下數,因為一大早睇住篇文好快就會訓覺,所以做下數可以醒下腦(中文科miss教的)。到
12 am   食個午餐,又hea下,放鬆下,用1~2小時做下自己愛做的事,我個陣會行下街,順邊去個考場探下路。正所謂飯氣攻心,你食完飯即卡温書都唔會入腦。跟住2點到又開始温書。
7 pm     食晚飯,如是用1小時hea下﹐做下自己野。
11 pm   睇下書,relax下,飲杯牛奶。
12 am   訓覺。


睇望好似攞左好多時間hea甘,但計返落,一日都有11小時温書,其實係非常充足,大家記得中間比自己抖下,抖完,再接再勵!




第三起身執下野更醒神
(以下內容純屬個人意見)

到左3月既Study Break,天氣開始回暖,每日調定鬧鐘9-10點到起身,起身執一執枱上面D野,某本書講過,岩岩起身個陣,個腦唔係好清醒,最好執下枱上面D野,做一D唔洗點用腦既野,去清醒下個腦。跟住食個早餐,飲杯奶茶,就開始做Past Paper





第二温書要講mood

DSE既日子,依然歷歷在目。
個年3月,學校放左Study break,我地有一個月時間留係屋企温書。Study break時,真係一個考驗自律既日子,你可以由日日狂温書,由Lv2升到Lv5,都可以日日heaLv5跌到Lv2,不過Miss講過:

「要keep住作戰既心,一hea左就返唔到轉頭。」

所以Study break切忌Hea,可以温少D,做少D,但唔可以完全唔做,人既隋性,大家都清楚,温書好講mood,無mood,個人對住本書,個心都唔知飛左去邊。而mood呢樣野,都唔係話有就有,係需要時間慢慢建立,久而久之,你習慣左,一拎起本書都温得入腦。

 



第一唔係教大家走堂

其實未放Study Break個陣,我已經成日走堂,因為老師講過:

「如果你覺得留係屋企温書既效果更大,你就走堂啦。」

加上我地學校既規矩係,只要唔連續請2日假,就唔洗假紙,所以我地好自由。事實上,留係屋企做Past Paper,有時可能好過返學校聽書。不過個時阿媽唔鐘意我唔返學,所以我靜靜雞出門口,等阿媽返左工之後再返歸。

不過你走堂,前提係,你真係留係屋企温書,唔係出去玩。

 




沒有留言:

張貼留言

歡迎留言

Cut-off 補習