WFU

   5** 操 Past Paper 正確方法       BIO 5** 是如何考出來      5**讀書態度及技巧分享       數學 MC 極速解題技巧

2017-02-23

6招讓 DSE 變得輕鬆 + Study Leave規劃

DSE 就到,唔少同學開始放 study leave。面對DSE,感到壓力在所難免,有見及此,我決定比同學幾個 Tips,等你可以輕鬆應付 DSE



如果你讀BIO,可以呢篇「果BIO 5** 是如何考出來,温書有道,其實唔難」會有興趣。


     周全規劃

部分同學感到徬徨,好似好多野未温、點温都温唔哂、又唔係好知點樣入手、由邊到開始温好……有以上諗法,有可能因規劃不足。遇到以上情況,同學可自訂一個時間表。

首先,花時間諗下自己有D咩要温,例如我有 6 科要温,BIO 30課,我決定用10日黎温 BIO,等如每日温3課,然後係時間表寫低:「1號温1~3課,2號温4~6……」每科如是,如此類推。
當規劃好哂一個月要温嘅內容,你嘅目標頓時變得好清晰,變得豁然開朗。
接住需要做嘅係,按照時間表,一步步學習。當然,愈早考嘅科目應該先温。
制定時間表有咩重要事項,可參呢篇


     充分休息

「休息係為左更長遠嘅戰鬥。」呢句話永遠無錯,一個人如果持久繃緊住神經,除左比自己極大嘅壓力,温習效率都會事倍功半。所以,以自身經驗黎講,每温 3 小時,比自己休息 1~2小時。要知道,温書超過3個鐘以後,你sure自己個心依然仲係本書到?相反,如果比到個 sense 自己:「仲有30分鐘就可以休息啦!」然後個心為之一振,衝埋呢半個鐘,豈不更好?可能你會話:「每3個鐘休息2個鐘好奢侈喎。」但大家不妨計下:

9am-12
12-2pm
2-5
5-7
7-10
10-12am
12-8am
温書
休息
温書
休息
温書
休息
zzz

温書 Total 9個鐘,
實不相瞞,有效率嘅温書,9個鐘絕對卓卓有餘。


     抖下氣

係 plan 一個月温書大計個時,不妨每7-10日,就 plan 半日/一日比自己出去玩下、散散心、揾朋友吹下水…… 此舉不旦可以抒緩壓力,更可比自己充充電,掌勵下自己,比自己有誘因去温書。出完街後,同自己講:「再接再勵,開始下一個温書週期!」


     樂觀心態

DSE 係人生大事?」NO,我會話DSE係人生其中一個里程碑。「DSE 定生死?」NO,我會話 DSE 只係入大學其中一個途徑。

好多人過度重視DSE,比自己好多壓力。的確,每個人想法唔同,但,為左DSE搞到自己有情緒病,實在十分不值。面對DSE,我想講:「盡力就好。」反正,升上大學嘅方法比比皆是。曾經聽講一句話,依然印象好深:「人生成功需要智慧,大學只是一個尋找智慧的地方。」


     朋輩支持

有人話同朋友一齊温書可以互相幫助,都有人話同朋友一齊係無可能温到書,但無可否認,但無論相約出黎與否,收到朋友一句:「加油」message,的確會動力倍增。朋友間互相支持,互相督促,等你知道自己有否怠慢,如果係,就加快腳步。

朋友間支持唔洗做好多,有時只需簡單一句whatsapps:「温成點呀」「加油啦,一陣再傾啦。」就夠,等你覺得自己唔係孤軍作戰,學習心情會好好多。


     調整心態

DSE直入大學固然好,但大家太低估DSE以外嘅路,實際上,係我入大學兩年之後,開始陸陸續續收到好多中同從HD/ASSO 升返大學嘅消息,當中有唔少入到唔錯嘅大學同學系,有D直升year 3,一年都無浪費過。有D人係DSE表現平平,但HD/ASSO 成績驚人嘅人唔少。大家要知道,好多人唔受DSE個一套,大學個套學習方法更適合佢,所以DSE成績唔等如大學成績,DSE 考得唔好,但只要係有心讀書,有心入大學,從HD / ASSO 升返入U 嘅機會依然好高。

當然啦,每個人性格要求唔同,但無論如何,過埋呢兩個月,就一天都光哂。


4 則留言:

  1. 究竟考完之後,8月之前做咩好?

    回覆刪除
    回覆
    1. 考完之後可以做好多野架wo =]
      https://dse00.blogspot.hk/2016/05/dse_12.html

      刪除
  2. dse加油,難聽過粗口

    回覆刪除

歡迎留言

Cut-off 補習