WFU

   5** 操 Past Paper 正確方法      温書 點先唔會眼訓?      【英文】一個暑假大幅進步的方法      【2019 DSE】暑期的輕鬆温書安排

2018-02-12

2 個有效率的寫 note 方法


我即使上到大學,依然要睇自己啲手寫字先溫到入腦。所以今次就想分享2種我試過嘅寫notes方法



作者:Cyrus

唔知大家溫書係慣睇電腦字定係手寫字呢?我即使上到大學,依然要睇自己啲手寫字先溫到入腦。所以今次就想分享2種我試過嘅寫notes方法,等大家可以搵到一個啱自己嘅方法啦!

 1    Outline method

所謂嘅outline method,就係用列點咁寫曬啲內容出嚟,相信好多人都係用而種方法寫notes。而種方法係上堂寫notes係最有效,因為你可以一路聽老師講一路順住寫落去。用而個方法最緊要係建立自己嘅符號,由大題目到細題目到仔細嘅內容,都要用符號標示返佢係邊一層,咁你係睇返啲notes嘅時間先至可以清楚咁知道自己寫緊咩。不過如果內容太多,好容易就會變到密麻麻,睇得唔太舒服,所以都要恆量返果課嘅內容份量。



 2    Mindmap

相信大家對mindmap都唔會陌生。用mindmap嘅好處係可以用圖像記憶法塞入個腦到。首先就寫大題目係中間,之後就畫分支做細題目,再畫細分支做仔細內容。分支之間都可以畫返啲線顯示內容之間嘅關係,都可以畫啲簡單圖案嚟幫助記憶。而種方法就適合落咗堂自己溫習嘅時候用,可以令你清析咁列出知識,之後睇返都會清楚啲同容易理解啲。同埋最好用白紙寫,望落會更加清楚。壞處就係比花時同難就位,所以用而個方法要預定充足嘅時間。

 


以上兩個方法最好都係用唔同顏色嘅筆嚟寫。唔單只會易睇啲,而且可以令你寫同溫嘅時候都冇咁悶。而兩個方法係我暫時試過最實用同方便嘅寫notes方法,希望幫到你地啦!




沒有留言:

張貼留言

歡迎留言

投稿 DSEBook