WFU

   5** 操 Past Paper 正確方法      温書 點先唔會眼訓?     【中文】5** 卷一至卷五心得      那麼,台灣學測英文卷的難度是?

2018-07-05

【温書】保持大腦清醒嘅另類小技巧

「每日要温8個鐘書!」點知打開本書覺得眼訓,兩個鐘已經係極限,三個鐘就收檔。以下有 D 小技巧,保持最佳效率。




相信好人人都遇過呢個問題,以下有幾個方法,令你打醒精神去温書!


1       從時間操作

設置時限             大家都聽過deadline fighterdeadline 前一日,能力 前所未有地爆發,千幾字既文章一個鐘寫出黎。當人愈接近deadline,大腦就會愈活躍,愈集中,愈精神,所以不妨為自己 set 個 deadline

設置休息時間       愈接近小息/放學時間,就會愈精神。其實對上班族黎講都差唔多,愈接近收工時間,工作效率就會上升,所以係温書時間入面放一兩個休息時段

係約會前温書       當你 7pm 約左人,就會諗:「我要係出街之前做哂D野佢。」呢個時候,大腦就會異常活躍,温書效率大升。所以善用約會前既3個鐘,會係你效率最高既時間。

1       轉換場所
好多人都離開屋企温書,因為太多誘惑。有D會去自修室,但自修室太靜,會眼訓,所以呢排又興起去 Starbuck温書,而想有D聲既人就會去M記。其實當一個地方待耐左,你覺得熟悉,就會覺得悶。不妨每次都轉換下場所(嚴格上黎講只要有得坐,又唔太嘈就OK),甚至一日去兩個地方,話唔埋會有意想不到既效果。


1       做運動

實驗證明,輕量運動之後大腦會活躍,集中度會提升。但過量運動則會令人疲憊。所以温到眼訓時,不妨做下輕量運動




1       交替温書法
不斷重覆做同一件事,腦袋會好快疲憊,係工作上黎講,每30分鐘切換工作內容,係保持效率既好方法。所以可以係温書途中加插另類既工作,或者切換科目,可以令你大腦保持清醒。



1       經濟學式温書法
呢個方法要小心使用。比個喻:「的士司機每日要賺$1000。天氣好個陣,D人想行路,所以無乜人搭的士,司機做10個鐘先賺夠。落雨個陣,好多人搭的士,司機5個鐘就賺夠可以收工。係經濟學既角度,司機係晴天工作10個鐘 = 雨天工作5個鐘。所以最有效率既方法係,司機係晴天個陣早D收工,雨天個陣返多幾個鐘。

但好多人都有個習慣:無論狀態好唔好,都要堅持完成某一個目標先休息。而正確既方法係,狀態唔好個陣温少D,好個陣就温多D。不過呢個方法要小心使用,不然好易會懶散。


1       不同生理時間 配合適既工作
每日温書8小時,但呢 8小時,每個小時都唔對等的。早上時段係最精神,所以大家都會做D用腦既事情;食飯之後係最眼訓,大家就會做D唔需要咁用腦既事。係工作上黎講,某D公司會將開會時間放係~2pm ,早上就做盡情工作。

所以大家既温書內容一定要配合返自己個生理條件,例如朝早做下past paper,下午就抄下筆記,對下答案等 唔洗點用腦既野。









沒有留言:

張貼留言

歡迎留言

Cut-off 收集 DSEBook