WFU

【地理】2020 DSE 新制度應該點應付?

先前都睇過幾篇關於地理科嘅投稿,相信已經詳述地理科温習策略。而呢一篇文章,我就以今年親身應考新制攞5**嘅角度嚟睇今年嘅試卷,探究下應該點樣做好啲考試當刻嘅時間分配,同點樣答FBQ呢個新題種。


By 阿志


先唔講今年嘅題目難度,因為年年考嘅都唔會一樣,但卷一答卷時間,比起舊制更為倉卒。換言之,恰當嘅時間分配更加重要


喺新制底下,卷一由以往兩小時三十分,增加到兩小時四十五分,而佔分由70%,增加到75%。大家要留意返,呢個並唔代表卷一表現更加重要,因為卷一同卷二SQEssay佔分仍然一樣,切忌死温卷一課題,卷二課題同樣重要。

我嘅做法:   開卷頭2分鐘先揀essay題目,然後draft essay框架,寫出要用嘅keywords或者example。之後用1分鐘揀SQ,通常望last question問自己有冇把握寫到4points,就知應該揀咩題目。一切揀好後,喺答題簿封面寫低fbqsqessay嘅題號,搞掂曬先落去做MC


1        新制卷

一合共有四個SectionSection AMC,當中有六題map reading(6%),其餘十四題卷一課題(14%)。改制後MC價值更高,每題MC1%,不容有失。大家務必清楚七課書concept,熟練map reading多種題型,狂做pastpaper mc務求MC百發百中,搶多啲分。

我嘅做法:   先用8-10分鐘做七課mc,合共十四題,唔識或者唔肯定嘅題目就漏空跳過,肯定其中一個choice唔啱就删走,用排除法更快做完MC。然後再用8-10分鐘做map reading**MC一做多過20分鐘,就應該直接棄船**,撞啲未答過嘅MC,撞到A B C D各有5個為止。過程要快,如果唔係就好難做曬成份卷。


1        Section B

今年嘅重災區,field-work based question18分題,同SQ一樣比重,都係佔15%FBQ題目可以好多元化,就以今年為例,出面mock,以至考評局自己出嘅sample paper,都同今年份卷都好唔同。坊間教課書質素參差,日校老師亦都對新制唔熟,只靠學校教FBQ會較難應付,但出去補習都一樣。不過,既然叫得"fieldwork",即係有實戰經驗好重要。第一年出咗coast,好多學校都有帶學生去沙灘做fieldwork,你肯留心聽講解,知道啲儀器叫咩名、點用、用嚟做咩,成個過程點做,你已經穩袋頭4分。相信大家親身經歷過fieldwork,印象會好深刻。

另外3-4分就係問啲數據收集方法,會出嘅有三大類(randomsystematic[point/line/quadrant]stratified),你要首先認得出資料用緊邊款方法,然後講出嗰個方法有咩好處壞處。呢啲內容一般教科書有講過,勤力啲背曬佢又穩袋34分,淨係呢幾分足夠令你FBQ高過全港平均分。

FBQ中間嘅4-5分題目難度大增,係分Level 1-4Level 5+嘅關鍵位。呢幾分,要你解釋點解數據會有偏差、又或者要你用資料提供嘅數據以及**卷一課本內容**證實句statement、甚至要你畫graph(一般花大量時間!)。作為一隻白老鼠,呢幾款題目我都唔太肯定點答,所以下年或打後考嘅同學仔,可以等考評局十一月出嘅marking scheme同詳解。

我嘅做法:      温熟FBQ要考嘅三課,一課都不能少。

FBQ出畫graph嘅話,大家要熟悉每種graph可以表達啲咩數據,同埋佢哋嘅好壞處,考評局係唔會同你講用咩graph,一切自行判斷,畫錯足以致命。順帶一提,graph最緊要有齊title、單位,啲barlinepie唔可以空心,最好用下間條、點點填返滿佢。唔好用highlight pen、其他顏色筆油,因為scan卷係黑白,marker睇唔到嘅。一般畫graph唔應該超過10分鐘,否則都係做唔曬份卷。


最後6分題可以話係放題,通常問你呢個topic究竟仲有咩其他方法研究,俾足6個方法佢,再加兩三句解釋點做、用咩工具收集數據,咁就搞掂。偏門啲就會問你呢一次考察有咩可以改善,圍繞範圍不外乎時間、地點、天氣、人數、工具、數據收集方法、先導考察(Pilot Study)等等。呢啲教科書同field trip都有提及。

我嘅做法:   FBQ花約30分鐘,最後6分題花十分鐘寫>1頁紙,有6段,類似半條essay。如果有畫graph嘅,就花唔多過十分鐘做。


1        Section C        Data-based questions

四揀二,每題18分,佔總分30%

我嘅做法:   30分鐘做完一條SQSQ last part要好似寫essay咁詳盡,攞足elaboration分,整個part C喺約一個鐘完成。卷二如是。


1        Section D       essay type questions

12分題,佔總分10%,一題essay分成兩部分,每部分各6分。觀乎歷年考生表現,最差就係呢part,平均分只有34分,係不合格水平。換言之,要攞高分嘅,呢條essay應該花更多時間處理,呢個位就係55*5**嘅戰場。

我嘅做法:   4045分鐘做一條essay,每部分做20分鐘,淨返時間就係引入、過渡、結尾段,一句起兩句止。而每部分嘅essay至少有一個example、以及六段唔同嘅point,而每段topic sentence包含題目所有字眼同答案keywords一條essay最少寫3頁半紙


所以,經過今年DSE之後,大家就唔使驚,日校、教科書、補習社會改變教學方法,而且有pastpaper喺手,其實可以放心啲,內容上一定應付到。至於考試時間分配,相信以上建議可以幫到你手。




張貼留言

0 留言