新手補習老師手冊 (1) 第一堂要點準備
概括
上堂前聯絡學生，問下佢教到第幾課。安排一堂1.5小時既行程，準備每個環節所需既教材。最後預備後備教材，以防不時之需。
內容
上堂前聯絡學生，問下佢教到邊好重要，因為你要準課。補習多數學生教到邊就補到邊，如果教哂目前學校教緊既野，先至同佢預習，或者温返之前既課題。如果你係第一次補習，就係補習之前睇一次個課書，雖然你DSE考得好好，但過左半年有多，可能有D野已經遺忘左。例如幫中四學生補 chem，我記得中四初係教緊原子結構，但掀開本書，先發覺原來要教左元素符號，元素狀態，原子基本結構，原子序，質量數，同位素…… 好多好細微既野，如果唔睇返本書，會好易講漏左。可能對於你黎講係好簡單，但學生黎講可能就明同唔明既關鍵。而且，自己先睇一次，到學生問個陣，個腦都會轉得快D。否則到時你又要睇一次，用左幾十秒，甘就好唔專業啦=]
安排一堂1.5小時既行程，例如今日我會教第20課，用45分鐘温書，45分鐘做練習。
備準教材
温書既教材就係佢本書，做練習既教材都係佢本書，姐係唔洗準備=]
當然，你要預防佢無帶書，可能自己都帶一本 (個個chapter) ，都要預防書佢一早做哂書既練習，所以要準備多D練習。而且!! 都要預防你準備既練習太過簡單，要準備D 難D。同埋!! 要預防你準備既練習已經做過。所以最好既做法係，帶本 notebook (手提電腦) ，如果真係佢無帶書，你準備既練習佢又做過，或太簡單，呢個時候，就可以打開本 notebook，開 D 練習比佢做。如果一堂咩都無，真係幾尷尬架。
時間控制
補習進度不宜太快 / 太慢。太快：你會提早教完，除左剩好多時間，學生可能吸收得無甘好。如果補習進度超前你預想，可以停一停，抽問下學生課本內容，等佢地 remind 下。如果進度落後，可能係講得太慢，或問得太多，或同學太多野講，如果前者，甘可以講得精簡 D ，或 skip 左無關痛養既野，或
skip 左 D 你知佢一定識既野，focus 係佢唔識既野。如果係個學生問題，可以盡快將話題帶到課堂內容到。
如果最後都係剩時間，多數都係同佢預習下一課，或重温舊課題，或同佢傾下計都可以
=]
