中五升中六可以如何渡過一個充實又不忘學業的暑假?


各位中五升中六既同學,就黎放暑假啦,
你地可以如何渡過一個充實又不忘學業的暑假?

   1.   去玩                         

係暑假入面緊係唔少得去玩,因為忙碌左一個學年,好應該比自己自己放鬆下,同自己差下電,間中比自己舒發下,先可以繼續作戰!大約抽十日出黎,鐘意既可以去下旅行,唔想洗甘多錢既,可以同班frd去長洲黎個3日兩夜遊,總之要係呢段時間內好好舒發自己。

   2.   重温舊課題              
好多老師都話温書要由最新教既開始温,所以舊既課題既記憶應該開愈黎愈蒙糊,但DSE 係好平均甘考,舊諌題新課題既比重都一樣。學期個陣大學都忙着學新題目,趁呢家有時間,不防重温下D舊課題,唔好比自己唔記得。

   3.   Past Paper              
温書當然唔少得做Past Paper, Past Paper有兩種模式既,適合兩種人

1         以前個D都唔係好識     
如果D野學得麻麻,應該由By Topic開始操起,暑期有時間,可以慢慢做。係做每一課By Topic之前,應該重温下每課書既重點,因為你唔識,做完對答案只係死
背個答案,甘樣唔會融會貫通,好唔effective,所以睇清concept,明白答案,先係温書既硬道理。

By Topic可以去這個網頁既右手邊既資源區到下載

2         基本上全部都OK         
甘可以開始操By Year,去test一下你對呢個科目既掌握程度,其實我覺得Past Paper係可以做兩次,即使你以前By Topic甘操過,你By Year可以重操一遍 (如果時間許可) ,唔會做你好耐,好多野你都已經上手,再做個陣會順好多。唔好以為你做過一次就識哂,其實好多你以前錯既野,好大機會錯多一次。如果想做快D,答案寫point form甘列出黎 (當然DSE 個陣要全句寫)

例如Bio
What is increasing the rate of heart beat is important?
l   ↑ O2
l   Respiration
l   Energy
l   ↑ rate of removal of CO2

用呢個方法做,我諗最多一個鐘搞掂一份CE LQ

當然做Past Paper係質不重量,做可以好快,但對答案,去理解返個答案,吸引返,往往係最需要時間,大家做完之後謹記,
做錯左,當然要理解返個答案
做岩左,睇下Marking Scheme,點樣可以寫得更簡短、更精準、更好

如果對完答案都係唔識,問老師

   4. 視乎需要去補習/ 自學既重要     
好多個D咩暑假地獄式操練補習課程,好多學生覺得好似好正甘,上完個一日6個鐘既堂好似會學識左好多野甘。但事實證明其實係吸收唔切,補習既野,一星期一堂已經夠,更加重要既係靠自己,補習補得多唔等如學得好,學生最應該學識既係自修/自我學習,

咩叫自修 / 自己學習?
l   揾出自己要識D
l   揾出係邊到可以獲取呢D知識
l   揾出點樣可以掌握呢D知識
l   揾出自己有咩不足/唔識/唔熟既地方
l   揾出修正既辦法

例如我要學英文,我可以睇報紙、睇英文書、揾岩自己程度既野做。我可以揾老師諮詢,問老師借書,跟住發現自己有D生字/句式係唔識既,上網揾返相關字辭/句式,自己再用新學既學字典作幾句句子,慢慢地,我識既字/句子會愈黎愈學。


自學既過程係有趣既,都係一種能力,自學既人往往比從他學既人優秀,全級第一個D好多都係無補習 (科目第一)自己了解自己,只有自己先最清楚自己需要D咩。


好啦,希望大家可以好好利用呢個暑假,充實得黎又不忙兼顧學業。好好享受你既暑假=]!!!