【中文作文】 6萬考生都做不好的 扣題

作文最重要既就係扣題,不過好多時只係你自己覺得自己扣左題,但其實係啲老師眼中你係唔扣題。




卷二寫作類


Source: ig: dse_chinese_7776


最簡單既扣題,我叫佢做「字面扣題」,就真係最最最基礎既扣緊佢比你既題目去寫,但係好多人係連呢個都做唔到!!!!!!


   例:2015Q3   

「獨學而無友,則孤陋而寡聞」

唔好搞其他野住,就咁樣11隻字,都已經有大部分既人扣唔到

佢題目字面就係想你證明
獨學而無友(因)會導致孤陋寡聞(果)

「因--->果」

佢期望見到既係你證明到當中既因果關係

但係好多好多人寫呢題因為諗唔到正面例子
跟住狂寫反面既野,即係:
眾學有友--->不孤陋寡聞

咁掂啦,大把貨,咩魯迅、喬布斯寫完一大輪,覺得自己一定5**,跟住好彩啲可能3/4,唔好彩就GG

因為你咁樣係做唔到題目想你做既野,但你又唔係錯哂,只係唔扣題。


   2015Q1  

又例如2015Q1手提電話,個個考完都話易,吹到自己點好點好,跟住出到黎又係2左一大堆人

原來佢個年係一定要你寫「不一樣」寫到出哂面。(佢個report話啲考生未能具體呈現不一樣)

姐係你唔係每段都做「平日vs今日/vs其他人」既對比、又或者你個篇幅太集中於平日or今日⋯⋯你個分通常都會GG,所以班中文老師所謂既扣題其實無你想像中咁易。


   2016Q1  

講多少少,今年2016Q1,雖然佢未出報告,但係我保證佢一定會鬧啲考生忽視左個轉折關係,或者無刻意地突出個轉折,姐係扣唔緊個「卻」字。

熱鬧時,我好開心。(我覺得熱鬧之後我都仲會 / 我應該係會好開心),(但係熱鬧過後我所感受到既唔係好似我預期咁開心),而係失落。

又應該會鬧啲考生太多篇幅寫左「熱鬧既場景」,的確熱鬧係一定要寫,但係佢題眼係「熱鬧過後」,你起碼都要用一大段去描寫下「熱鬧之後既場景」,咁先可以合理地解釋到點解你會失落。



你而加聽完我講可能覺得「咁易,我都識啦」,但係係我免費改文改左一個月(我放完榜好悶,就係到改文)收番哂啲文,發現全部,係全部,都犯哂以上既錯誤,所以大家要引以為戒呀!!!