【理科】快速做past paper 經驗分享

話咁快差唔多又到暑假,希望可以同大家分享一下,快速做pastpaper 嘅方法,等大家可以係暑假有效咁做 Past Paper



By: Timothy


話咁快差唔多又到暑假,又到考試嘅時間,希望可以同大家分享一下,快速做pastpaper 嘅方法。(不過做past paper之前,首先要確保自己溫書都溫得七七八八,對概念大致掌握,否則做past paper只會令你淨係識得背past paper 嘅答案,對成績冇大幫助。)

一般暑假大約有6-7個星期,咁正常嚟講都應該大約會有一半時間去玩,淨返一半時間溫書啦,以讀七科嚟計,可以分配畀每科嘅時間,可能得返三日左右,如果大家想做pastpaper,可以詳細做到嘅數量唔多。(e.g. Chem Paper 1 每份要 2 hours 30 minutes, 連埋對答案隨時要唔止三個鐘,每日最盡都係做到2-3份, 就算你係中四嘅同學,份卷只係大約有40%題目嘅係教咗可以做,都做唔到太多。) 咁點樣可以喺短時間內做多啲past paper呢?

1        預備past paper +筆記簿

首先要預備歷年past paper 題目+答案除咗去圖書館搵之外,其實直接喺DSE 00下載嚟做我覺得會方便好多同埋一本筆記簿。

然後,每睇一條題目,自己諗咗答案,再睇marking。有錯嘅,做用筆記簿簡單寫低錯嘅地方,好似下面咁:

02 CE chem 6aiii
Q:                        why MgCl2 conduct electricity?
(自己諗):            delocalized electrons ()
Marking Scheme:  molten MgCl2 contains moblie ions
筆記簿寫:              molten ionicmobile ionselectricity 

如果係要計數嘅題目 就可以諗條算式之後就對答案,唔使嘥時間撳計數機(一般呢啲位都唔會咁容易錯,所以唔需要太花時間。)

跟咁樣嘅做法去做可以慳番唔少時間,我試過可以一個鐘做完一年Chem CE long question + mc 


1        注意
1.       如果做咗幾年都發現自己某個topic錯得特別多,建議再溫多次嗰個topic,之後再繼續做past paper

2.      本筆記簿寫嘅嘢盡量精簡,只要提自己睇得明就可以,不過建議寫埋題目年份題號,有咩睇唔明可以搵返題目(隨時直接上DSE00 搵返題目都好方便)

1        筆記簿有咩用?
考試前大家可以再溫多次 確保之前錯過嘅嘢唔會再錯,我一般就會帶埋返學校,臨考試之前睇。


最後,建議大家每科搵一至兩份卷全份詳細計時做,訓練自己要喺限時內做完份卷,當然,有錯嘅野要寫喺筆記簿。希望我嘅經驗可以幫到大家。