【人生】重新做一次會唔會更好?思維同價值觀既決取

你有無諗過:「如果比我試多次,就會更好。」事件會唔會因為重新做一次,結果就會更好?



呢篇文或者對你既人生會有D啟示,對諗住 DSE retake 嘅人都適合。



1        恐怖遊輪故事
呢段會講一個故事,無興趣可以飛去下一 part。

女主角同一班朋友出海玩,但途中遇上暴風雨導致沉船,好彩附近有一架遊輪經過,五人順利成章登上遊輪。但奇怪嘅係,成架遊輪一個人都無,於是佢地就分散行,過程中各人均遇到蒙面人嘅襲擊。

蒙面人對女主除左面罩,然而竟然係女主角另一個自己。女主角二同女主角講:「要殺哂船上所有人先可以生環。」女主角開始時難以置信,佢一心想拯救同行朋友。而女二毫不猶豫殺左女一D朋友,而佢D朋友又認定係女一殺,所以女一只好按住劇情走,殺哂所有人。

當女一殺哂D朋友,佢見到海上有五個人係到求救,而個五人就係開局時嘅自己,女一呢刻已經係女二。直到女主角輛迴到女四,佢終於離開左架船,返左屋企,但佢發現另一個自己,無錯,佢就係一開始上船前嘅自己,時間又回到起點。女主角殺左另一個自己,想取代佢,然後帶個仔揸車逃離,但不幸遇上車禍。死神問:「想唔想重新黎過?」,女主角點頭,然後失去記憶,再次登上遊輪,成為女主角五(同一)

1        啟示
或者有同學仔睇得出,其實女主角已經死過好多次,但每當佢重新來過時,都係發生差唔多的事,差唔多嘅結果。呢個故事想帶出嘅道理係:一個人嘅思維同價值觀好難輕易去改變,除非大幅度進化思維,否則你可以做出嘅決策都係差唔多。所以都唔需要話「我重來一篇吧,會做得更好」之類的,基本上能耐同成績係對應的,重來一次都唔會更好,如果真係有咁嘅能耐,一早就過得更好。(來自谷阿莫

所以,如果你想重考得更好,就要改變你嘅思維。


1        DSE失手兩大類
1.      其他科好好,衰左一科core
2      全部科都麻麻,best five 16分左右

第一類考生只要升返個 grade 就搞掂,加上佢地有咁嘅分數,代表佢地平時嘅讀書習慣都係好好。

而第二類考生平時成績都係平平,可能係讀書方法唔岩,可能係個人懶散,可能係對讀書無興趣。

如果你係第二類考生,咁就要認真好好諗下。好多人覺得自修一年好多時間,日日温書,唔信考唔到好成績。而事實就係由於太自由,就更難控制自己去自律。更多嘅人係開頭個幾個月返下Part-time,到10 月先開始温書,但課本嘅野已經忘記得七七八八。重温返野後,都差唔多11/12 月,然後開始操Past Paper,你會發現成個流程 其實同上年差唔多,咁最後考出黎嘅成績又係差唔多。

根據學友社學生輔導中心總幹事吳寶城所講:參考考評局過往有關重讀生表現統計,發現重讀成績並非必定進步,大部分分數不變,最多升一個level。所以重考後入返U嘅其實大多數都係第一類考生(同少類突飛猛進嘅第二類考生)。

如果你係第二類考生,而決定重考,咁要注意下。如果你唔想重考之後都係差唔多成績,就要改變下你嘅思維同價值觀,而唔係用同樣嘅方法考多次。你需要思考嘅係:揾出點解今年會考得唔好?或者你可以問下老師,佢或多或少都可以比D建議你。改變自己嘅價值觀,用一個全新嘅方法去準備DSE 


其實呢個道理適用於生活任何地方,如果你想成為一個更優秀嘅人,就要改變自己。