WFU

   5** 操 Past Paper 正確方法      温書 點先唔會眼訓?     【英文】DSE 懶人極速升grade方法      【2019 DSE】暑期的輕鬆温書安排

2017-03-26

【中文】閱讀保3 方法

如果你係2017dse,只求中文拎個3保合格既話,我會勸你放棄白話文






source from ig:     dse_chinese_7776
注意:內容謹供 2018 DSEer


1          白話文

先講左中文底比較差既同學先

如果你係2017dse,只求中文拎個3保合格既話,我會勸你放棄白話文,因為白話文真係好講語感同語文基礎能力,底差既呢幾個月努力黎都係唔會升到太高分

咁當然,最基礎既寫作手法+解釋個啲野一定要溫(呢啲算汁分題),我有個fd中文好鬼差,又唔肯溫呢啲基本野,寫啲咩表情描寫落份卷到,最後2

6分題既話(今年無出)可以直接放棄,全香港既mean好似1分都唔夠,就算「你覺得自己睇得明條題目」,好多時你寫完一大堆都係會0,或者一兩分。其實係唔抵,因為份卷你好大機會做唔哂。(dse卷同學校做卷好唔同,你臨場又緊張又盛,我平時學校做咩閱讀卷都做剩15-20分鐘,做今年份紅心蕃薯都差啲做唔哂)

同埋有啲題目都係有答題框架可以背,雖然學完框架你都係要自己答,但答得岩既話就算唔滿分,通常都會有唔錯既分數,答錯最多咪0。三成幾就拎3既卷,0多幾題其實都唔驚。


1          文言文

底好底差都好,文言文都係要操(如果你想呢part拎高分少少)

有人問練習,我都無乜推薦......因為我剩係做過joint us個本第一本定唔知第一冊,我覺得啲題目實在太簡單,做黎都無乜用

不過文言練習都唔係求佢啲題目,題目係bonus,篇文先係主菜,睇完篇文再譯番出黎,再對番佢個譯文,再睇下自己有咩錯,咁樣做做幾十份,我保證你文言分數會有進步。(不過其實咁樣都幾悶,要好有毅力先得😂

我自己就臨考前幾日先去買左本joint us 1 之類既文言練習,唔知佢係第一本定點,啲題目真係易到痴線。我做完份份都差唔多滿分。跟住考個陣,我一打開今年篇《吾盧記》即刻屌左出黎,個難度差太多,差啲比本野伏左

所以題目不能盡信,譯文先係真正有價值既野

同埋文言都有啲所謂既技巧,個啲咩補習名師同埋私補都有咩文言神技5678式(我聽人講,無補過佢地),我覺得用就點都有啲用既,不過其實你做50篇自己都自自然然識呢啲野;你學完但唔做,你都係用唔番啲神技出黎,當然你做完再學埋呢啲技巧就更大把握啦。

sell下私補先😛
最普通既解文言、咩通假字、詞類活用、譯字句點樣唔比人扣分個啲一定會教

另外,會教唔同既技巧去估個字/個句野/成篇野講緊咩

同埋有個方法可以令你唔洗理解都可以「撞」岩啲2分譯字

(不過,倒自己米都咁講,唔好幻想啲旁門左道會幫到你好多,最多只係提供一個方法比你拎多少少分。真正既文言考試都係要睇番你文言基礎能力同語感)


Btw我幾推薦呢篇《進學解》比大家考試前一晚做一次(姐係譯一次),第二日你就會發現考試篇文言真係太簡單🌚


1 則留言:

歡迎留言

Cut-off 收集 DSEBook